AKO AY SINO? SI BINIBINING KYLA

''SI BINIBINING KYLA''

Tuwing may ganitong uri ng paksa hirap akong ilarawan ang sarili ko, marahil. Ang totoo ay hindi ko pa rin kilala ang sarili ko, ang pagkataong nakatago sa katawang lupang ito. Malalaking palaisipan pa rin ang mga tanong na sino ba ako? Gaano ko kakilala ang taong nakikita n'yo? Kilala ba talaga o kilala "LANG" sapagkat 'yon ang sinasabi ng iba?

Sisimulan ko sa salitang "simple" marahil gamit na gamit ng marami ang salitang ito upang ihambing sa pagkatao nila, subalit. Sa aking palagay ay nabibilang din ako sa mga kababaihan na tinatawag nilang simple sa lipunang ito. Ito kasi ang madaling salita na maaring ilarawan sa binibining katulad ko. Bakit nga ba? Kahit hindi sabihin ng ibang tao pansin ko ito sa aking sirili sa pananamit, kilos at mga hilig. Lumaki ako sa simpleng buhay at konserbatibong pamilya. Bunso sa apat na magkakapatid. Pagdating naman sa pag-uugali, hindi ko itatanggi na mayroong kamalditahan lalo na pagwalang salamin at isama pa rito ang pagiging prangka, minana ko sa aking ina. Pero sa totoo, inaayon ko ang ugali ko sa itsura. Masiyahin naman akong binibini, pagkompleto ang tulog. Marunong makisam, makiramdam at higit sa lahat mapagkumbaba sa kapwa. Hindi ako ma-pride na tao lalo na sa mga pinahahalagahan at iniingatan kong mga tao.

Maliban naman sa pagpapakilala sa mga katangiang mayroon ang binibining katulad ko, mahilig naman akong gumala. Mas nagiging masaya ako paggumagala, nagdi-discover ng mga bagay-bagay na hindi nakikita sa loob ng bahay. Mahilig din ako mag-alaga ng pusa, manuod ng anime, k-drama. Malapit din sa puso ko ang musika, maglaro ng badminton at football.

Sa likod ng pagiging simple ko na ito ang pagiging sensetibo sa maraming bagay dahil konting pagkakamali ko, pagsuway sa mga bawal na bagay ang nagpapahirap at inilalagay ako sa miserbaleng sitwasyon na halos ikalugmok ng aking magulang. Madali akong dapuaan ng mga sakit kaya lahat ng bagay na gusto kong gawin ay palaging may limitasyon.

Marami pa akong gustong malaman sa aking sarili alam ko kasi na hindi pa ito ang totoong ako. Hindi pa ako tapos galugarin ang buong pagkatao na mayroon ako. Sa ngayon ilan pa lang ito na masasabi kong pagkakakilanlan sa ng pagkatao. Patuloy ko pa rin na kinikilala ang sarili ko mula sa mga karanasan na dumataing kasi naniniwala ako na mas matatagpuan ko ang sarili ko sa mga karanansan at hamon na darating kinabukasan.

Bilang isang tao na nabubuhay sa mundong patuloy ang pag-ikot, patuloy rin ang pag-ikot sa pagkilala pa sa ating sarili hindi matatapos ang ating pagkilala sa ating sarili sa isang pagkakataon lang. Mas magiging malalim ang ating pagkilala sa ating sarili pagdaan pa ng mga araw. Sa ngayon, ako ay magiging ako, kung paano mo nakilala si binibining Kyla ay mananatili sa pagkakakilanlan na iyon.